Djumayev Xudoyberdi, Xongeldiyeva Dildora Shuxratovna

dorivor o‘simliklar, xalq tabobati, shifobaxsh xususiyatlar, tabiiy dori vositalari, salomatlik, O‘zbekiston florasi, fitoterapiya, biologik faol moddar, flavonoidlar, alkaloidlar, na’matak, isiriq, qizilmiya, antiseptik, immunomodulyator, farmatsevtika sanoati, ekologik barqarorlik, oqilona foydalanish

Ushbu maqolada inson salomatligini saqlash va mustahkamlashda bebaho tabiiy manba hisoblangan dorivor o‘simliklarning biologik va farmakologik ahamiyati kompleks ravishda tahlil qilingan. Tadqiqotda dorivor o‘simliklar tarkibidagi alkaloidlar, flavonoidlar, efir moylari, glikozidlar va vitaminlar kabi biologik faol moddalarning organizmning himoya tizimini mustahkamlashdagi roli ilmiy asoslab berilgan. Shuningdek, maqolada zamonaviy tibbiyotda fitoterapiya yo‘nalishining rivojlanishi va tabiiy dori vositalarining sintetik preparatlardan ustunlik jihatlari, xususan, nojo‘ya ta’sirlarning kamligi yoritilgan. Maqolaning asosiy qismi O‘zbekiston florasining boy imkoniyatlariga bag‘ishlangan bo‘lib, yurtimiz hududida uchraydigan 700 dan ortiq shifobaxsh o‘simlik turlari, xususan, na’matak, isiriq, qizilmiya va yalpiz kabi o‘simliklarning o‘ziga xos xususiyatlari bayon etilgan. Tadqiqot davomida dorivor o‘simliklarni yig‘ish, qayta ishlash va ulardan foydalanishda mutaxassis tavsiyasiga amal qilishning muhimligi alohida ta’kidlangan. Xulosa qismida dorivor o‘simliklar genofondini asrab-avaylash, ularni madaniy holda yetishtirishni kengaytirish va yosh avlod o‘rtasida fitoterapiya madaniyatini shakllantirish sog‘lom turmush tarzini qaror toptirishning muhim omili ekanligi ko‘rsatib o‘tilgan.

1.Djumayev X. O‘zbekiston florasining dorivor o‘simliklari va ulardan oqilona foydalanish. – Termiz, 2021. – 120 b.

2.Abu Ali ibn Sino. Tib qonunlari (Saylanma). – Toshkent: Fan, 1993. – 82 b.

3.Qodirov M. Markaziy Osiyo, Yaqin va O‘rta Sharqning falsafiy tafakkuri (o‘rta asrlar). – T.: Sharq, 2010. – 189 b.

4.O‘zbekiston Respublikasi dorivor o‘simliklar agrotexnologiyasi ma’lumotlari. – Toshkent, 2021. – 200 b.

5.O‘zbekiston Respublikasi Prezidentining "Yovvoyi holda o‘suvchi dorivor o‘simliklarni muhofaza qilish, madaniy holda yetishtirish, qayta ishlash va mavjud resurslardan oqilona foydalanish chora-tadbirlari to‘g‘risida"gi Qarori. 2020-yil.

Null